Allar fréttir

Veðursíður

Nautaskrá

Félag kúabænda á Suðurlandi

Hrossaræktarsamtök Suðurlands

Áhugavert

Tenglar

Allar fréttir >

Allar fréttir

31.1.2012 20:06
Nýr starfsmaður hjá BSSL

Nú í janúar kom Sigríður Ólafsdóttir til starfa hjá Búnaðarsambandinu en hún var hjá okkur í sauðfjárdómum í haust. Sigríður er með B.Sc. gráðu í búvísindum og stundar nú meistaranám í sama fagi.

Lesa meira...

31.1.2012 20:05
Sauðfjárskýrsluhaldið
Skil á haustfjárbók vegna ársins 2011

Síðasti skiladagur á haustfjárbók fyrir árið 2011 er 1. febrúar n.k. Þeir sauðfjárbændur sem eru í gæðastýrðri sauðfjárframleiðslu missa álagsgreiðslur og detta út úr gæðastýringu ef ekki er skilað haustfjárbók fyrir 1. febrúar.
Þeir sem skila haustfjárbókum vinsamlegast komið þeim á skrifstofur Búnaðarsambandsins á Selfossi, Hvolsvelli, Kirkjubæjarklaustri eða Höfn.
Sauðfjárbændur í netskilum þurfa að muna eftir að ýta á „SKIL AÐ HAUSTI“ þegar búið er að ljúka öllum skráningum til að haustupplýsingarnar fari í uppgjör hjá Bændasamtökum Íslands.

Lesa meira...

31.1.2012 19:51
Áburðaráætlanagerð

Nú fer að líða að því að bændur þurfa að panta áburð og býður Búnaðarsamband Suðurlands upp á áburðaráætlanagerð.
Sökum verðhækkana á áburði undanfarin ár er afar mikilvægt að áburður nýtist eins vel og við verður komið, og því eru bændur hvattir til að sækja sér aðstoð við gerð áætlana.

Lesa meira...

31.1.2012 19:31
Viðurkenningar fyrir góðan rekstur kúabúa – SUNNU-bú

Á aðalfundi Félags kúabænda á Suðurlandi sem haldinn var 30.janúar sl. í Árhúsum á Hellu voru veittar viðurkenningar fyrir góðan rekstur sunnlenskra kúabúa undanfarin ár. Viðurkenningarnar eru veittar á grunni svokallaðs SUNNU-verkefnis Búnaðarsambands Suðurlands en árlega taka milli 60 og 70 kúabú á Suðurlandi þátt í því verkefni eða um fjórðungur allra kúabúa á Suðurlandi. Verkefnið hefur verið starfrækt síðastliðin 15 ár og byggir á úttekt á rekstrarárangri samkvæmt ársreikningum þessara búa. Mælistærðir varðandi árangur í rekstri er breytilegur kostnaður á hvern lítra í framleiðslu og framlegðarstig búanna.
Verðlaunaveitingin byggir á rekstrartölum þessara búa síðastliðin fimm ár. Að jafnaði stóðu þessi fimm búa efst í þeim samanburði sem unnin hefur verið innan SUNNU-hópsins en mörg önnur bú eru með mjög góðan árangur í sínum rekstri.

Lesa meira...

27.1.2012 11:14
Skráning á sæðingaskýrslum í fjarvis.is

Enn eiga nokkuð margir eiga eftir að skila inn sæðingaskýrslum eða skrá sæðingar í fjarvis.is. Viðkomandi aðilar eru beðnir að skrá þessar upplýsingar sem fyrst. Ef enhver vandamál koma upp er viðkomandi bent á að hafa samband við skrifstofu BSSL í síma 480 1800 eða senda tölvupóst á fol@bssl.is.

27.1.2012 11:07
Bændasamtökin svara gagnrýni um fjármál sín

Bændasamtökin hafa birt tilkynningu vegna umræðna fjármál þeirra þar sem gerð er nokkuð ítarleg grein fyrir ráðstöfun þeirra fjármuna sem til þeirra renna frá ríkinu. Tilkynningin fer hér á eftir:
"Bændasamtökin eru frjáls félagasamtök og í bókhaldi þeirra er skilið á milli þeirra fjármuna sem koma frá ríkinu vegna búnaðarlagasamnings og fjármuna sem fara í að reka hagsmunabaráttu bænda. Verkefni í gegnum búnaðarlagasamning eru lögbundin en um framlög ríkisins má lesa hér í heild sinni á vef sjávarútvegs- og landbúnaðarráðuneytisins. Bændasamtökin skila ársreikningi sínum til Ríkisendurskoðunar og sjávarútvegs- og landbúnaðaráðuneytisins á hverju ári. Hann liggur einnig frammi til umfjöllunar á búnaðarþingi sem haldið er árlega.

Lesa meira...

27.1.2012 10:31
Samkeppniseftirlitið vill endurskoðun búvörulaga

Samkeppniseftirlitið leggur til að búvörulög verði tekin til endurskoðunar til að auka samkeppni hér á landi og telur að slíkt yrði neytendum og öllu þjóðfélaginu til bóta. Þetta kemur fram í tillögum sem eftirlitið leggur fram í nýrri skýrslu um verðþróun og samkeppni á dagvörumarkaði sem kynnt var í gær. Haft er eftir Steingrími J. Sigfússyni, ráðherra landbúnaðar- og samkeppnismála, í Fréttablaðinu í dag að ekki standi til að kollvarpa landbúnaðarstefnunni vegna samkeppnislegra ástæðna. Þó komi til greina að gera breytingar á gildandi fyrirkomulagi.

Lesa meira...

27.1.2012 10:21
Bændasamtökin: Ríki utan ríkisins?

Í Fréttablaðinu í dag er að finna grein eftir Þórólf Matthíasson, hagfræðiprófessor, sem hann kallar "Bændasamtökin: Ríki utan ríkisins?". Þórólfur virðist hafa skorið upp herör gegn Bændasamtökunum en eigi að síður er full ástæða til þess að bændur og aðrir þeir sem láta sig landbúnað varða kynni sér þá umræðu sem þarna fer fram. Um efni greinarinnar verður ekki fjölyrt en fyrir áhugasama er hana að finna í visir.is, sjá hlekk neðar.
Greinin hefst á eftirfarandi málsgrein: "Í 15. gr. svokallaðs búnaðarlagasamnings sem gerður er á grundvelli laga nr. 70/1998 er kveðið á um að Bændasamtök Íslands skuli halda aðskildum fjármunum sem til samtakanna renna úr ríkissjóði og öðrum fjárreiðum sínum. Þá er í sömu grein kveðið á um að Bændasamtökin skuli afhenda sjávarútvegs- og landbúnaðarráðuneytinu endurskoðaðan ársreikning sinn. Samþykktir Bændasamtakanna kveða einnig á um að fjárhagur starfsemi sem rekin er í umboði ríkissjóðs og á hans kostnað skuli aðskilinn frá annarri starfsemi Bændasamtakanna."

Lesa meira...

26.1.2012 11:20
Yara birtir áburðarverð - verðhækkun 4-10%

Sláturfélag Suðurlands, umboðsaðili Yara á Íslandi, hefur birt verð á áburði fyrir 2012. Í tilkynningu frá fyrirtækinu segir að vegna hækkana á áburðarverði erlendis verði ekki hjá því komist að hækka verð á áburði. OPTI-KAS (N27) og OPTI-NS hækka um 4-5%. Algengar NPK áburðartegundir eru að hækka aðeins meira eða um 10%.

Lesa meira...

26.1.2012 09:47
Niðurstöður skýrsluhalds nautgriparæktarinnar
Afurðir aukast og meðalbúið stækkar

Niðurstöður skýrsluhalds nautgriparæktarinnar eru nú komnar á vefinn hjá okkur. Um er að ræða viðbót frá því sem sett var inn í gær, þ.e. skýrslur nautgriparæktarfélaganna og afurðahæstu kýr þeirra.
Á árinu 2011 skiluðu 214 bú skýrslum yfir samtals 8.846,3 árskýr sem er 162,3 árskúm fleira en árið 2010. Meðalbúið stækkaði um 0,6 árskýr milli ára og var á árinu 2011 41,4 árskýr með meðalinnlegg upp á 216.518 kg mjólkur sem er aukning upp á 6.984 kg frá árinu áður. Meðalbúið hefur aldrei verið stærra en nú. Stærst eru búin í Árnessýslu þar sem þau telja 44,8 árskýr til jafnaðar og meðalinnleggið nemur 239.985 kg.

Lesa meira...

Eldri fréttir